About Us

ဘဏ္ဍာပို့စ် (Banda Post) website သည် မြန်မာနိုင်ငံအတွင်းရှိ စီးပွားရေးသတင်းထောက်များအတွက် လိုအပ်သောသတင်းအချက် အလက်များနှင့် အကိုးအကားများကို တစ်နေရာထဲ၌ စုစည်းပေးထားရန် ရည်ရွယ်ပြီး တည်ထောင်ခဲ့သော ဝက်ဘ်ဆိုက်ဖြစ်သည်။

ဤဝက်ဘ်ဆိုက်သည် အကျိုးအမြတ် မယူသော အွန်လိုင်းသတင်း အချက်အလက် ဝက်ဘ်ဆိုက်ဖြစ်ပြီး အများပြည်သူ လွတ်လပ်စွာ ရယူသုံးစွဲနိုင်သော သတင်းအချက်အလက်များကို အသုံးပြုသူများ တစ်စုတစည်းတည်း လွယ်လင့်တကူ သုံးစွဲနိုင်ရန် စုဆောင်းပေးထားခြင်းဖြစ်သည်။ ဤဝက်ဘ် ဆိုက်တွင် ဖော်ပြထားသည့် သတင်းအချက်အလက်များနှင့် ပြန်လည် မျှဝေထားသော စီးပွားရေး သတင်းများမှာ စီးပွားရေးသတင်းထောက်များ အသိုင်းအဝိုင်းက ဝိုင်းဝန်းရှာဖွေ စုဆောင်း ပေးထားခြင်းသာ ဖြစ်သည်။

Banda Post ဝက်ဆိုက်တွင် မြန်မာ့စီးပွားရေးအသိုက်အဝန်းတွင် ဆက်စပ် ပတ်သက်နေသည့် ဥပဒေနှင့် မူဝါဒများ၊ စီးပွားရေး သတင်းများ ရေးသားပေးပို့ရာတွင် အထောက်အကူပြုနိုင်မည့် references များ၊ မြန်မာနိုင်ငံ၏ စီးပွားရေး ပြုပြင်ပြောင်းလဲမှုများကို စဉ်ဆက်မပြတ် စောင့်ကြည့် လေ့လာနေသည့် အဖွဲ့အစည်း အသီးသီး၏ အစီရင်ခံစာများနှင့် သတင်းစာပညာနှင့် စီးပွားရေးဆိုင်ရာ အကြောင်းအရာ များကို လေ့လာဆည်းပူးနိုင်မည့် အရင်းအမြစ်များကို ရှာဖွေ လေ့လာ နိုင်ပါသည်။

Banda Post ဝက်ဆိုက်ကို USAID ၏ Private Sector Development Activity က ရန်ပုံငွေ ထောက်ပံ့ခဲ့ပြီး Internews က စတင်တည်ထောင် လည်ပတ်ခဲ့သည်။ ဝက်ဆိုက်ကို စတင် တည်ထောင်စဉ်က Internews သည် ပြည်တွင်းရှိ စီးပွားရေး သတင်းထောက်များအဖွဲ့ BRG (Business Reporting Group)  နှင့် ဆွေးနွေး တိုင်ပင်မှုများ လုပ်ခဲ့သည်။ USAID ၏ ရန်ပုံငွေဖြင့် လည်ပတ် အပြီးတွင် Internews သည် ဉီးစီးဆောင်ရွက်မှု မလုပ်တော့ပဲ  BRG ထံသို့ လွှဲပြောင်းခဲ့ပြီး လက်ရှိတွင် BRG က  ဉီးစီး ဆောင်ရွက်လျှက် ရှိသည်။

BRG သည် စီးပွားရေးသတင်းများ ရေးသားနေကြသည့် စီးပွားရေးသတင်းထောက်ချင်း ချိတ်ဆက်မှု ရှိစေရန် ၊ စီးပွားရေးဆိုင်ရာ သတင်းလိုက်ခြင်း၌ ပေါ်ပေါက် လာတတ်သည့် အခက်အခဲများကို ပူးပေါင်းဖြေရှင်းရန် နှင့် စီးပွားရေးဆိုင်ရာ အသိပညာများကို အပြန်အလှန် ဝေငှနိုင်ရန် ရည်ရွယ် ဖွဲ့စည်းထားသော အဖွဲ့ ဖြစ်သည်။

ထို့ပြင် ပြည်တွင်းမီဒီယာများ၌ အားအနည်းဆုံး သတင်းရေးသားနည်းမှာ စီးပွားရေးသတင်းတင်ဆက်မှု ဖြစ်နေသော်လည်း စီးပွားရေးသတင်း ထုတ်ဖော်ရေးသားနည်း သင်တန်းများမှာ အရှားပါးဆုံးဖြစ်သည်။ အဆိုပါ လိုအပ်ချက်ကို စီးပွားရေးဆိုင်ရာ ဆွေးနွေးပွဲများ ပြုလုပ်ခြင်း ၊ သတင်းထောက်အချင်းချင်း အတွေ့အကြုံ ဗဟုသုတများ ဝေငှခြင်းတို့ဖြင့် ဖြည့်ဆည်းနိုင်ရန်လည်း ရည်ရွယ်သည်။

Sector

ထို့အပြင် Website ၏ လက်ဝဲဘက်တွင်လည်း စီးပွာရေးကဏ္ဍတွင် အရေးပါသည့် အကြောင်း အရာများဖြစ်သည့် ကုန်သွယ်ရေး၊ ရင်းနှီးမြှုပ်နှံမှု၊ လယ်ယာစီးပွား၊ မြေယာနှင့် အခြေခံ အဆောက်အအုံ အစသည့် ကဏ္ဍများနှင့် သက်ဆိုင်သည့် အချက်အလက်၊ အကိုးအကားများနှင့် ဥပဒေများကို ကဏ္ဍအလိုက် ရှာဖွေနိုင်မည်ဖြစ်သည်။

Useful Links

စီးပွားရေး သတင်းထောက်များအတွက် သတင်းအချက်အလက်ရနိုင်မည့် website များကို ဝေမျှထားသည့်နေရာဖြစ်သည်။ ဥပမာ Open Myanmar Development Portal, MIMU, Open Myanmar Initiative စသည့် သတင်းအချက်အလက် ထုတ်ပြန်ရာ နေရာများကို ညွှန်းဆိုထားသည်။

Business Session of Media

ဧရာဝတီ၊ မဇ္ဇိမ၊ Myanmar Times၊ 7 Days စသည့် သတင်းဌာနများ၏ စီးပွားရေး ကဏ္ဍများကို သွားရောက်လိုပါက အလွယ်တကူ သွားရောက်နိုင်မည့် ကဏ္ဍဖြစ်သည်။

ဤဝက်ဘ်ဆိုက်စတင်တည်ထောင်နိုင်ရန်အတွက် USAIDPrivate Sector Development Activity က ရန်ပုံငွေထောက်ပံ့ပါသည်။